Futbollisti i kombëtares së Kosovës, Edon Zhegrova është në qendër të vëmendjes tek Lille, pasi i njëjti ka njoftuar klubin francez, se nuk do të rinovojë kontratën me ta.

Sipas “Le Petit Lillois”, burim i afërt me klubin, Lille është e gatshme të dëgjojë oferta për yllin kosovar, duke kërkuar rreth 20 milionë euro për kartonin e tij, shkruan Arbresh.info.

? Selon nos informations, le LOSC s’attend à ce que le SSC Napoli ?? formule une offre basse pour Edon Zhegrova à la suite de sa longue blessure au pubis. Si le joueur a travaillé dur pour revenir sur les terrains, le staff estime qu’il aurait pu faire son retour pour les 3… pic.twitter.com/VAPEqeXbvU

— Le Petit Lillois ⚜️ (@LePetitLillois) May 18, 2025

Zhegrova ka qenë jashtë fushave që nga dhjetori, për shkak të një lëndimi që e ka penguar të japë kontributin e tij në pjesën e dytë të sezonit.

Megjithatë, para lëndimit, ai kishte treguar formë të shkëlqyer dhe ishte ndër lojtarët më kreativë të skuadrës në krahun e djathtë të sulmit.

Napoli, i cili synon një rikonstruktim të sulmit për sezonin e ri, e sheh Zhegrovën si një profil ideal për të shtuar shpërthim dhe kreativitet në fazën ofensive.

Përveç aftësive të tij teknike dhe shpejtësisë, 25-vjeçari vlerësohet për fleksibilitetin dhe potencialin për të shkëlqyer në një kampionat si Serie A.

Pavarësisht kësaj situate, Lille shpreson të arkëtojë rreth 20 milionë euro nga shitja e tij, ndërsa Napoli shihet si një nga klubet më të interesuara për ta transferuar gjatë kësaj vere.

Zhegrova është pjesë e Lillet nga sezona 2021/22, kur u transferua nga Baseli./Arbresh.info